Spjallglugginn á vefnum þínum

Spjallglugginn er léttur netspjallshnappur sem birtist neðst í horni vefsíðunnar. Þú getur haft fleiri en einn spjallglugga — t.d. einn fyrir hverja vefsíðu eða hvert vörumerki — eftir því hvaða áskriftarleið þú ert á.

Settu upp nýjan spjallglugga

1. 1

   Farðu í Spjallglugga

   Smelltu á „Nýr spjallgluggi“ og gefðu honum nafn (t.d. „Aðalvefur“ eða „Stuðningsgátt“).

2. 2

   Sníddu útlitið

   Opnaðu spjallgluggann og farðu í flipann Útlit. Þar velurðu þema (kúla, borði eða kort), lit, letur, staðsetningu (vinstri/hægri), horn og táknmynd — allt með beinni forskoðun.

3. 3

   Skrifaðu kveðju og flýtisvör

   Settu inn kveðjutexta sem gestir sjá fyrst og nokkur flýtisvör sem þeir geta smellt á í stað þess að skrifa sjálfir.

4. 4

   Afritaðu innfellingarkóðann

   Farðu í flipann Uppsetning og afritaðu <script>-línuna. Settu hana rétt fyrir lokun </body> á vefsíðunni þinni — spjallhnappurinn birtist samstundis.

Vinnutímar og skilaboð utan þeirra

Kveiktu á vinnutímum í útlitsstillingunum og settu inn skilaboð sem birtast þegar teymið er ekki við — t.d. væntanlegan biðtíma. Þannig veit gesturinn strax hverju hann má búast við, jafnvel þótt enginn svari samstundis.

Auðkenning gesta áður en spjall hefst

Undir „Auðkenni áður en spjall hefst“ getur þú valið á milli þriggja leiða:

• Ekkert — gestir spjalla nafnlaust, eins og sjálfgefið er.
• Nafn + netfang — gesturinn er beðinn um nafn og netfang áður en spjall hefst.
• Kenni rafræn skilríki — gesturinn auðkennir sig með rafrænum skilríkjum og þú færð staðfesta kennitölu, nafn og símanúmer áður en samtalið hefst.

Gervigreind í spjallglugganum

Í útlitsstillingunum getur þú kveikt á „Láta gervigreindina svara sjálfkrafa“. Þá svarar hún gestum beint úr þekkingargrunninum án þess að fulltrúi þurfi að vera við — tilvalið utan opnunartíma. Slökktu á þessu hvenær sem er ef þú vilt að fulltrúar taki alfarið við.

Eyðublaðsrás sem valkostur

Ef þú vilt einfalt eyðublað í stað lifandi spjalls (t.d. á tengiliðasíðu) er tilbúinn HTML-kóði fyrir eyðublaðarás undir Stillingar → Spjallgluggi. Innsendingar verða sjálfkrafa að málum í innhólfinu, alveg eins og spjallskilaboð.

Öryggi: staðfesting notandaauðkennis

Ef þú tengir innskráða notendur við spjallgluggann úr þínu eigin kerfi (t.d. með notandanúmeri) skaltu nota HMAC-leyndarlykilinn undir Stillingar → Spjallgluggi til að undirrita auðkennið á þínum netþjóni. Það kemur í veg fyrir að einhver geti þóst vera annar notandi.